若然你問我，屋裡頭最無用係咩，大概首算係電視機了。
電視機對於平日的我，就係近乎於 DVD 機既野，更貼切既係如同 VCD 機，平日我都用電腦睇電影、睇劇集，唔會搞部電視機。諗下，有 MP3 機，有咩原因用 Walkman 同 MD 機？我諗普遍人都唔會。咁如同 VCD 既電視機呢個世代仲會用？我諗仲有好多人會，因為我大廳外正正有一部古董 VC D 機，同埋有一部電視仔，即係房東曾經會用，係租屋時附帶條件的。
係，梗係附帶條件，反正我都唔用，萬一佢無神神壞咗我咪好冤枉？
細個時，互聯網並未流行，我都仲好幫襯電視機，但越大就越少，最後只會睇國家地理雜誌及少數劇集，其他一律不看。晉身大學後，三百人共用全宿的一部電視機，忠實球迷發揮港人強霸精神，一入黑，生霸死霸電視機，本來對於電視的需求已少得可憐的我，完全對於呢件無咩價值既野失去興趣。
唔係呀嘛，呢部野都要等？
對於每日仲睇電視的朋友，我每每都感覺好詫意。
電視機既運作模式，你只係一個人地塞咩入你腦你就要接受的模式，你並唔可以因為 TVB 每星期有個好悶既 《真情》 而要求馬上轉播 《男親女愛》 ，又或者去要求重播 《24》 ，又或者要佢地因為我而叫佢地唔好播阿嬌而去播歐文龍。你只可以轉台或者熄電視；電視機仲要迫你睇好多廣告，而且質數不一定高，不過香港人澳門人都仲算好彩，有時可以睇啲有創意既廣告，呢邊好多見到既廣告有唔少屬好老土同好硬膠，睇得多，好似睇天線得得B，越聽越想死，越睇就越蠢。
係呢個資訊爆棚既時候，多到經已要過濾既時代，一啲無得選擇既資訊渠道，而且質數不一定高，而閒暇時間少之有少，仲要浪費時間吸收無價值資訊，實在難以接受。反而互聯網可以搵到更多自己的想要的資訊，可以有效地過濾無必要浪費時間的環節，如果你要睇 國家地理雜誌 或者睇多啲外國新聞，又或者只想睇部份電視劇集，無問題。大部份都可以滿足到 （或許要版權）。
我入伙至今，只係開過電視唔過五次。
(t=0x7D86000Ex02640865980FD707B8727F70）
---
最近工作比較忙，沒有執筆數星期，反而狂想中國遊，若然成事再分享。
Comments (2)
'只係開過電視唔過五次'
要開多幾次la ~ 唔係連壞佐都唔知
@iannloi - 房友有用就得...